[walaa farouk]

المثل العبقري الجميل "اللي تخاف منه ما يجيش احسن منه " ،
يحمل معني راقي و رائع ..

اصل الخوف وهم ، خيال ..
خيال بيحصلك انت بس ،
من كتر ما بتشوفه في عقلك بتصدقه ،
و اول ما توصل له ما تلاقيهوش ..

موسي عاش خايف من فرعون نه يقتله لأنه قتل المصري (خروج ٢) و هرب منه ٤٠ سنة .. اول ما شافه لقي موضوعه
اللي خايف منه اتنسي ، و لقي فرعون هو اللي خايف منه !!
و اتحققت الاية : "فقال الرب لموسى أنا جعلتك إلها لفرعون "
(خروج ٧ : ١) ..

اكتشف ان خوفه من فرعون كان مجرد "خيال"
و انه عاش ٤٠ سنة في سجن من الخوف الوهمي .. !!
و في الاخر عاش موسي و هلك فرعون في البحر ..

نفس الكلام ، بطرس كان خايف من العاصفة ،
و كان بيصرخ مع التلاميذ، و بمجرد ما ناداه السيد المسيح
حط رجليه علي المية و مشي فوقها ،
اكتشف انه ان موهوم بالخوف ..

و شوية و العاصفة سكتت ووصلوا بامان للشط .
. كانت العاصفة مجرد خيال ..

اوعي تعيش خايف من شخص أو من مشكلة
، لانك من كتر ما بتفكر فيها ، خوفك منها بيزيد ..
شوية و تلاقي المشكلة و لا حاجة ،
و تلاقي اللي انت خايف منه ما حصلش أصلا
، و الشخص اللي كان مخوفك اتحول و اتبدل،
و ربنا غير اتجاهاته ، و بقت كل الأمور لصالحك ..

و اللي كنت خايف منه ما جاش احسن منه ..