[walaa farouk]

الحساس اقرب الناس للناس و ابعدهم في الوقت نفسه..
من كتر مشاعره بيحس بالكل و بيتجرح من الكل في نفس الوقت ..


يا ما أتظلم لان ما حدش فاهم اللي جواه، و لا بيعرف تفاصيل المه .
. يا ما بات بيتقلب من نار الوجع، و يا ما استني حد يمسح دموعه
و يجبر بخاطره و لا لقيش غير دمعتين علي كام تنهيدة يواسوه طول الليل .
. و لما يجي الصبح يحضن وجع قلبه مع ضيقة نفسه
و ينزل يدور علي حد ممكن يحس به و لا يلاقيش..


الحساس زعله كبير غصب عنه ، تربيته كده و تركيبته كده ،
هو ما عملهاش، لقاها معاه و جواه .
. اكيد بيحاول يواجهها بس برضه اكيد ما عرفش لوحده..

الحساس يا ما الناس بعدت عنه لأنها ما استحملتوش،
لكن اللي يقرب منه يلاقيه ، قلبه ابيض و نضيف ، و حبه جارف
، و خدوم حتي اخر نفس للكل..

الحساس عاوز اللي يفهمه و يقدر رقة احساسه ،
مش اللي يلومه و يعايره.. عاوز حد يحبه زي ما هو،
و ده دواه الوحيد اللي ممكن مع الأيام يغيره و يشفي جروح نفسه الرقيقة..

بالراحة علي الناس الغالية دي ،
دول جواهر ما حدش عارف قيمتهم إلا اللي فهمهم و حبهم و صبر عليهم ..