[walaa farouk]

كلنا بدون استثناء بنحتاج من وقت للتأني تشجيع
... كلمتين كويسين ... علشان نعرف نكمل
الحقيقة ان محدش مقدر القوة الجبارة
اللي بتخلقها روح التشجيع عند الشخص ...
كبار قبل صغيرين محتاجين كلمة كويسة .
من فضلك متبخلش علي حد انك تشجعه
أو تقوله كلمه كويسه علشان يكمل ✋🏻
وفي فرق كبير بين #التشجيع و النفاق ...
فرق كبير جداااا طبعاً
من وقت كنت بقرأ عن ابو مقار فلفت انتباهي الكلام اللي قريته ...
طبعاً كلنا عارفين ترنيمة كان_في_عنقود_عنب ❤️
إللي طلع في غير اوانه و دي قصة حقيقية
حدثت بالفعل و موجودة في كتاب بستان الرهبان ..
بعد ما عنقود العنب الشهي جدا و ابو طعم جميل
محدش من الرهبان اختار نفسه عشان ياكله
و فضل يلف لحد ما رجع تاني للقديس ابو مقار ..
ابو مقار عمل حركة جريئة جدا و بتبين نضوج تفكيره
.. أنه ضرب جرس الدير و طلب اجتماع طارئ
و جمع الرهبان مخصوص عشان يقولهم برافو عليكم
و مدحهم على محبتهم الشديدة لبعض ..
و ده كان تصرف جرئ و جديد جدا من نوعه
بالذات في الوقت ده إن رئيس دير يمدح ناس بالشكل المباشر
و الصريح و الفوري ده على عكس سلوك ناس تانيه
بالتوبيخ المستمر و عدم المدح على الفضايل
لتجنب الكبرياء و حروب الشياطين و غيرها ..
يا ريت نتعلم من الموقف ده اننا نتلكك عشان نمدح الناس
و لو على حاجه بسيطه اننا نشجع باستمرار 😍
صلوا ان ربنا يدينا روح التشجيع والتحفيز