[walaa farouk]

اللي يغضب ربه ربنا يسلط عليه لسانه،
و من اغلي هبات الله لحبايبه انه ينعم عليه بحلاوة اللسان ،
و ده من اغلي الارزاق ..

انك ترحب بكل اللي بيقابلك ، و تخللي له الدنيا جميلة
و الخير عمران في اهلها..

انك تقدم اي خدمة تقدر عليها، و تساعد الناس بكلامك الطيب
و مشورتك الصالحة ..

انك تنقي حاجة او حاجات حلوة في كل اللي يقابلك
و تقوله عليها : اسمه حلو أو لبسه أنيق أو طبعه طيب
او صوته أو ضحكته أو حكمته أو رأيه.جميل ..

انك تدي امل لكل واحد و تطمنه أن لكل باب مفتاح
و لكل تجربة مخرج و لكل ضيق فرج و ان كل شر آخرته خير..

انك تفرح الناس بكلامك المبهج و آيات الكتاب المملوءة رجاء
و ضحكتك الصادقة و كلامك المحب الإيجابي..

قبل رزق المال اطلب من الله رزق اللسان الحلو ..

المال ممكن يخلص أو يضر أو ما ينفعش في مواقف كتير
، لكن رزق اللسان الحلو يفتح كل قلب و كل باب مهما كان صعب ..