30 - 08 - 2019, 08:53 AM
|
| |
..::| مشرفة |::..
|
|
|
|
|
|
زوّادة اليوم: ألله يراني
اليوم بعيد الأخ اسطفان نعمة، الراهب اللبناني و طوباوي العالم كلو و انشالله عن قريب قديس عا مذابح روما، منصلّي...
اليوم فرصة النا حتى نتأمل حياتو و نتعلّم...كان الأخ اسطفان يهتم بالأرض كتير و كان يطعمي الطيور و الناس الجوعانة و يفيضو المحاصيل. نحنا شو عم نعمل لأرضنا غير انو نشوف كيف بدنا نبيعها!؟ عم نفكر بالمحتاجين؟ شو عم نعمل حتى نساعدن غير انو نشوف كيف بدنا ناخد اللي النا و اللي الن؟!
الأخ اسطفان كان مشهور ببُعدو عن كل مصادر الضّجة حتى يسمع صوت الرب و ما كان يحب كترة الحكي...نحنا اليوم ما في اكتر من الضجة بحياتنا و ما ابعَدنا عن الله...و ما اكتر الحكي هالإيام...كلمة من هون رد من هونيك و لا مرة وصلنا لنتيجة! من اقوالو القليلة: الله يراني...شو عم نفرجي ربنا نحنا اليوم بحياتنا؟ قولكن راضي عن اللي شايفو؟ اذا لأ...لحقو حالكن و شوفو كيف بدكن تصلحو...الله معكن!
|