هو يغير الاوقات والازمنة ( دا 21:2 )
ربنا بيشتغل مع كل واحد فينا بخطة عجيبة
خطة متقنة جدا بيسمح فيها ساعات بتجارب صعبة
بناس تضايقك مواقف مش لطيفة ناس متعبة احتياج مادي ومعنوي
يسمحلك بالمعصرة شويه ويفرحك شويه و يطبطب عليك شويه
ويسمح تاني بس المهم لازم تكون واثق انه في لحظة يقدر يعوض
يقدر يغير الاوقات والازمنة
يقدر يفتح ولا احد يغلق
يقدر يهدي البحر الهايج
يقدر يشق في البحر طريق
يقدر يسد افواه اسود
يقدر يحميك من اتون النار
يقدر يغير الواقع ويفرحك فرحة عمرك ماكنت تتخيل انك هتفرحها
عايزك تسعي وتتعب وتجتهد وتعافر وتصلي كتير
وتشتغل علي نفسك واوع تياس واحلم بحلم كبير وحاول تحققه
وافشل وارجع صلي كتير وعافر تاني
اوع تياس استفيد من خطأك وابدأ من جديد
حط الهدف قدامك صلي كتير هتوصل بنعمة ربنا
خليك واثق ومتاكد انه هو يقدر يغير الاوقات والازمنة