[walaa farouk]

هو احنا بنعرف الحاجه اللي بتقدم ازاي ؟

لما مثلاً يكون عندك موبايل و تفضل تستخدمه
لكن تلاقي بعد شويه نوع جديد نزل من الموبايل ده
و تيجي تقارن بتاعك بالجديد و تلاقي فروق كتيره بينهم..

و كل ما تلاقي فروق اكتر كل ما بتفهم ان موبايلك بقي قديم قوي..

وكل ما بتلاقي فروق اقل بتفهم ان موبايلك مقدمش قوي..

ده بظبط اللي بيحصل في نفسيتنا،

بنتولد بطبيعه فيها بساطه، تلقائيه، تفاؤل، عطاء ، حنيه"زي البيبي الصغير في تصرفاته"
و ديه بيبقي اسمها الذات الاصليه..

و بنكبر و نبدأ ندخل في تجارب صعبه تخلينا نتغير و نبعد عن الذات الاصليه .
و تتكون ذات مزيفه بتكون صفاتها عكس تقريبا الصفات اللي فوق، خوف، انانيه، تشاؤم..

و كل ما التجارب تزيد و تسيب اثر صعب فينا كل ما الذات المزيفة بتكبر اكتر
و تبعد اكتر عن الذات الاصليه "الطبيعه الأولي لينا"

و كل ما المسافه تزيد بينهم كل ما اضطرابنا بيزيد ..

زي ما بتبص علي نوع موبايلك كل شويه و تقارنه بالجديد عشان تطمن انك updated و ماشي مع التطور..

بص برضوا علي شخصيتك دلوقتي و شوف بعدت قد ايه عن طبيعتك الأولي .
. و لو ناسي هي كانت ايه بص علي اَي طفل جنبك و شوف بيتصرف ازاي ،
بيفرح ازاي ، بيعبر عن مشاعره ازاي..

ذاتك الأصليه بتناديك..