18 - 08 - 2019, 05:03 AM
|
|
|
|
..::| الإدارة العامة |::..
|
|
|
|
|
|
يا داخل بين البصله و قشرتها ما ينوبك الا ريحتها.
ساعات كتير الامثله الشعبية بيبقي فيها دروس لينا.
عايزه أتكلم علي الخناقات الزوجية و موقف الأهل منها .
نصيحه:
مدخلوش اهلكم في خناقتكم مع اجوازكم غير في المواضيع الكبيرة قوي.
ولا صحتهم و لا وضعهم هيخليهم عارفين دايما ينصحوك صح.
انتم بتتصلحوا و هم بيفضلوا شايلين،
و صعب يكونوا حياديين ،
اهلنا عايزين بس يشوفونا مبسوطين و شيل همنا عبئ كبير عليهم.
دور علي حد مُحايد و عنده حكمه و فاهم في العلاقات عشان يسمعك
و فضفضتك تكون فعلا رايحتك و ساعدتك تشوف الأمور بطريقه احسن.
الشخص اللي بيسمعك عليه دور كبير قوي في القرار اللي هتأخده.
حاجه كمان بلاش تأخد قرار و انت غضبان، أغلبيه الوقت بتكون قرارت غلط.
اختار شخص لما يدخل بين البصله و قشرتها يكون دخوله ليه فايده
مش بس عشان يشم و يمشي او عشان يزود الريحه 😊
|