[walaa farouk]

في واحد تاني في الكتاب المقدس اسمه لامك كان حفيد قايين..
تزوج اتنين وبني مدينة وكان صياد ماهر وبيضيع وقته في الصبد ...
بينما لامك ابو نوح كان شغال في الارض وتعبان جدا والارض لا تعطيه بحسب تعبه
وكان منتظر التعزية .. لكن في النهاية دخول لامك الفردوس بعد فترة كبيرة في الجحيم
بسبب انه ربي شخص زي نوح .. لكن لامك الاخر لا اعتقد انه يكون مكانه في الفردوس
لانه قاتل.. قتل جده قايين .. وقتل حفيده .. وكسر وصية ربنا وتزوج اثنين
الاثنين بنفس الاسم والاثنين في نفس الارض..
ولكن عيشة واحد حزينه ومرة وصعبة والاخر عيشته سهلة ورغده وفيها رفاهيه .
. لكن الثمر ، لامك ابو نوح جاب نوح (تعزية) يعني بعد طول تعب علي الارض اخد تعزية
.. لكن لامك الاخر اخد خوف من الموت
احيانا بتكون الدنيا صعبة علينا علشان نجتذب تعزية
نوح عاش 500 سنة ماجبش اطفال .. ولكن من 500 ل 600 جاب 3 اطفال سام وحام ويافث
ربنا اخر عليه الاولاد لانه كان له رسالة .. ويروح مدينة تانية ويتعلم يبني الفلك
ممكن ربنا يحرمك من حاجة علشان تتعلم تعمل رسالة هو باعتك لها
البابا شنوده يقول اللي يعملهولك ربنا وانت فاكره صعب لا تتذمر عليه
لان يمكن دلوقتي انت مش فاهمه ليه لكن يمكن بعد كده هاتفهم
أحيانا تكون حياتنا صعبة والدنيا مليانه مشاكل وصبر طويل والفرح قليل مقارنه بناس تانية ..
ولكن من لامك و نوح .. اصبر.. التعب ده هاتفهم قيمته بعد كده .. ممكن في تعزية او نجاة من موت
تعبك في الحياة القصيرة بيؤهلك للفرح في الحياة الطويلة
والمسيح بيقولك خليك معايا واصبر علي تعبك وترتاح بعد كده علي طول
ام تسمع للشيطان اللي يقولك ارتاح هنا علي الارض ولكن بعد كده هايبقي خوف و موت