من فضلة القلب يتكلم فمه ( لو 45:6 )
كل اللي بتخزنه طول اليوم من افكار والفاظ ونظرات
هو اللي دايما بتفكر فيه وبتخرجه للناس
لو انت بتلم شكوك وعثره وشتايم واغاني ومسلسلات
فيه الفاظ ومناظر خارجة وكدب ونميمة وحقد
هيبقي قلبك مليان سوري يعني بزبالة
مستني تفكر فيه ايه وتتكلم في ايه ؟؟؟
لكن لو انت طول اليوم بتلم في حاجات روحية
قداس وعظات وترانيم
كلام عن ربنا وخدمة
اكيد كل كلمه هتخرج منك وكل تفكير هتفكر فيه هيبقي زي ما ربنا عايز
قول معايا به نحيا ونتحرك ونوجد
لازم يكون ربنا هو الكل في الكل
لازم ربنا يملي قلبك وفكرك وعقلك وبقك وعينك
علشان لما تفكر ولا تتكلم يبقي تتكلم كلامه وتعمل زيه
وتجول تصنع خيرا