[souad jaalouk]

زوّادة اليوم: لازم تضل تعمل منيح

بيخبرو عن صبي زغير كان عم يلعب بالجنينة شاف عصفور زغير وقع من شجرة و بعدو ما بيعرف يطير. حملو هالصبي و اخدو عالبيت حتّى ما ياكلوه البسينات او يموت من الجوع و صار يْشَربو و يطعميه.
بيوم من الإيّام اجت اختو لهالصبي شافت العصفور و طعمتو كمان هيّي، قام مات العصفور من كتر الأكل!
زعلت البنت انّو هيّي كان قصدا تساعدو، مات! قرّرت هالبنت انّو و لا مرّة بقا تطعمي طير!
الزوّادة اليوم بتقلّك اوقات كتير بحياتنا منتعرّض لهيك موقف بتكون قصدك تعمل منيح بتنفَهم غلط او ما بتلاقي النتيجة اللي ناطرها، ما لازم تخلّي هالشي يؤثّر عليك و لازم تضلّ تعمل منيح و تأكّد انّو ربنا بيقرا بالنوايا و القلوب و اللي ما بيبيّن عالأرض محفور بسجلات السما...الله معكن