[walaa farouk]

·


نفسي في جيل خارج للحياة..
يكون قدوه لكل اللي حواليه ...
يكون اختلافه جميل مش مختلف بقبحه...
او مختلف بالغلط ..
او شبه الناس اللي في العالم ...
نفسي في جيل بيعرف يشكر...
بيقول شكرا علي اصغر حاجه بتتقدم ليه ...
جيل بيفهم في الذوق ...
وقادر انه يكون قائد بمحبته وأسلوبه ...
جيل شايف المسيح وتعاملاته مع البشر ....
بمحبته وحنانه انحني العالم كله ليه ...
وملك قلوبنا وعقولنا ...
المسيح ادانا اعظم دروس في الاحترام والتقدير والحنان ...
متعاملش مع كل اللي عندهم...
أمراض او عيوب بطريقه تجرحهم ...
المسيح اتعامل بكل حنيه مع المراه الزانية ...
مزعقش ليها ولا قلها انت ازاي تلمسيني ...
اتعامل بكل حب وكل احترام ...
وتقدير حتي لو الي قدامه ميستاهلش ...
ياريت نتعلم منه الاحترام والتقدير ...
وتفتكر الخير دايما ...
مش عيب انك تشكر حد علي حاجه من سنين ...
هو مش عاوز شكر ولا مستني منك حاجه ...
بس انت اللي لازم تكون اصيل ...
لازم تكون جوهرة ❤️...
خليك جوهرة جميلة بتضوي بالحب والاحترام والتقدير ...
نفسي اشوف جيل جميل ❤️❤️❤️...
مبيخدش من العالم اسلوب مش بتاعنا ...
عشان فعلا الاحترام الحقيقي ...
افضل واعمق من التدين الظاهر ...