[Mary Naeem]

فرح مسيحي فريد من نوعه


كيرلس عريس وعروسة بعد ما صلاة اكليلهم خلصت والمفروض يمشوا من الكنيسة عملوا حاجة غريبة اوى كانت مفاجئة للناس طلبوا من فراش الكنيسة يطفى النور وجابوا شموع ووزعها على الناس اللى فى الكنيسة بما فيهم الكهنة
وطلبوا منهم يستنوا ولعوا الشموع وبداء العريس يصلى ويقول اشكرك يارب انك جمعتنى بالانسانة اللى بحبها والعروسة قالت اشكرك يارب بانك جمعتنى بالانسان اللى باحبه ويكمل العريس صلاة علمنى دايما اقدرها واحترمها وافرحها فترد العروسة علمنى اخضع له واطيعه بمحبة
فيقول العريس علمنا نبنى بيتنا يكون كنيسة زى كنيستك دى اللى واقفين قدامك بنصليلك فيها فتردد العروس علمنا نبنى بيتنا يكون كنيسة زى كنيستك دى اللى واقفين قدامك بنصليلك فيها
فيقول العريس خلينا دايما قريبين منك ومن بيتك واحمينا من مشاغل بتحارب تاخدنا من حضنك فتردد العروس نفس الجملة فيقول العريس يارب املئ حياتنا سعادة وحياة كل حد واقف معانا دلوقتى
فترد العروس وتقول يارب لو فى حد من الحاضرين عندهم مشاكل اتمنى وهما واقفين يعتبروا ان يوم فرحهم لسه بادى مع يوم فرحنا فيكمل العريس خليهم يفتحوا صفحة جديدة معاك فتكمل العروس خليهم يرجعوا لمخضعهم معاك لو نسيوه او يبنوه لو اصلا ماكانوش بنوه من اول يوم جواز
فالعريس يقول يارب عرف كل حد ان الجواز مش بس سنة حياة فترد العروس مش بس متعة فيكمل العريس مش بس استقرار فترد العروس مش بس اكل وشرب وانتريه ونيشفيرد العريس مش بس بيت
ويقول الاتنين بصوت واحد الجواز كنيسة كنيسة لازم تملاها بروحك فيعم ارجاءها الفرح كنيسة لازم تملاءها بروحك فمتلاقيش المشاكل مكان ولا الحزن مطرح ابداه معانا صح وصلح سكة كل اللى بداوه غلط