[walaa farouk]

الله بيغفر كل الخطايا مهما تكررت و ايضا في الحال بمجرد توبتك و رجوعك.
لكن لو الامر سهل .. ليه منخطأش براحتنا و نرجع نتوب؟

لسببين ..
اولهم نتائج الخطية ..
كل خطية لها نتيجة .. حينما اخطأ ادم كانت نتيجة الخطية طرده من الجنة
.. و كانت نتيجة خطية شمشون انه اتعمي و اتذل من اعدائه ..
و نتيجة خطية داود موت ابنه من بثشبع و عدم بتاء الهيكل ..
و نتيجة خطية التدخين هو هلاك الصحة و المرض.
و نتيجة خطية الزنا انتقال الامراض و السمعة الرديئة.
فبالرغم من ان لك توبة و الله هيقبلك لكن ده لا يمنع تأثرك و تعبك من نتائج الخطية
. فأنت المسئول عن نفسك و عن خطيتك .
. فالابن الضال نتيجة لخطيته انه اتسخ و نزل لمستوي الخنازير الي ان اشتهي طعامهم..

النقطة الثانية : ادمان الخطية ..
انسان سقط مرة و انتهي الامر و تاب .. غير انسان عاش سنين في خطية و تاب ..
فالانبا موسي الاسود واجه صعوبات في بداية حياته لانه كان متأثر جدا بفترة زمنية طويلة في الخطية ..
فالاستهانة بالخطية لوقت طويل .. بتخلي رجوعي صعب و تقيل ..
ليك رجوع و ليك غفران و ليك مساعدة من ربنا طبعا .. لكن بياخد منك وقت .
. و احيان اسنوات للتخلص من فكر او عادة شريرة سيطرت عليك في الماضي ..
فالوقت الان هو انسب وقت لرجوعك قبل ما تتوغل اكتر و اكتر ..
كلنا ثقة ان الله بيمحي الخطايا لان ده دوره الفدائي اللي نزل علشانه
.. و كلنا ثقة انه مهما كانت خطايانا و مهما قضينا وقت نقدر نرجع تاني لربنا .