[walaa farouk]

كام اب و ام بيقعدوا مع ولادهم بيعرفوا اخبارهم.
كام اب و ام بيقعدوا مع ولادهم بيعرفوا مين اصحابهم و تحركاتهم بدون فرض سيطرة و اوامر و نواهي.
كام اب و ام بيحضنوا ولادهم و بناتهم و بيحسسوهم بقيمتهم و اهميتهم.
كام اب و ام متابع الحالة النفسية لابنهم و بنتهم دايما باستمرار.
كام اب و ام عارف ابنه او بنته بيحبوا و مرتبطين عاطفين و مديهم امان يحكوا بحرية و متابعهم و لا لا !!
كام اب و ام بيدوا حب لاولادهم و بناتهم و لما يغلطوا يطمنوهم.

بتسألوا ليه الشباب متغير و بعيد و غريب عن اهله؟
لانهم فقدوا الحب و الاهتمام .. فقدوا السند و الدعم من اقرب ما ليهم ..
ارجوكم الحقوهم قبل ما يضيعوا ..

عارفين كام شاب بيلعب ببناتكم علي وتر الحب سواء من نفس الدين او مختلف عنها؟
عارفين ازاي بيلعبوا علي الحالة النفسية ؟
طول ما ولادكم جعانين حب .. الفخ منصوب.
طول ما هما جعانين في الحياة الروحية .. الوقوع سهل جدا.

كام اب و ام مفهم ولاده اهمية عقيدته المسيحية و مأسسه عليها ؟
كام اب و ام قدوة فعلا لولاده؟

مفيش صداقة بين جنسين مختلفين من غير نفس الديانة
مفيش حاجة اسمها ولد و بنت اصحاب من دين مختلف.
اثبتت فشلها علي مر سنين تجارب و خبرات.

احنا نعيش في احترام متبادل بين كل الديانات لكن .
. الصداقات القريبة جدا مفيش اصلا ارض مشتركة تقف عليها مع حد من غير دينك .
. مهما حاولت .. او حاولتي ..
افهموا الكلام قبل فوات الاوان ..

القصة كلها شوية حب و اهتمام .. و اجدع حد ممكن يضيع.
و نفس الحب و الاهتمام ممكن يصنعوا انسان ناجح