[walaa farouk]

شخص عنده نقص معين بيحاول يجعل الاخرين مثله
.. لا هو عارف يخرج من ازمته و لا عايز يستفيد من الاخرين فيبدأ يحقر من شأنك ..

مثال : صحيت الصبح .. رحت القداس .. فصاحبك يسألك كنت فين ياعم كل ده نايم ؟
اصلي كنت في القداس الصبح ..
قداس انت هتعملي فيها قديس ( اسلوب تحقير ).

فينك مش خارج يعني ؟
معلش هقعد اذاكر شوية ..
تذاكر ايه .. هتعمل فيها زويل .. ما اخرنا علي القهوة.

هتخرج معانا بليل .. ؟
لا هحضر اجتماع ..
اجتماع ايه .. هما بيقولوا فيه حاجة دي عالم ممله و لا انت فاكر نفسك عبقري بقي و بتاع اجتماعات.

و قيس براحتك بقي .. فكر كده هتلاقي الاشخاص دي موجودة ..
ده بيوصل بيهم الحال للتحقير كمان من الفوز او النجاح او الترقي لمستوي عالي ..
و يحقر اكتر .. تلاقيها واسطي .. علشان ابوه فلان .. اصله بيعرف يتكلم ..
او ياعم يعني اخد نوبل .. يعني بيقبضله كام يعني ؟
الناس دي مريضة للاسف .. و لو انت بتقري و شايف نفسك منهم .. انت محتاج لمسة شفاء ..
و لو انت بتقري و اتعرضت للاذي فأنت محتاج تبعد عنهم و تفرغ افكارك و طاقتك السلبية.

عايز اقولك اي حاجة بمعني اي حاجة و لو حتي بسيطة بتعملها فهي بتدفعك خطوة لقدام.
لو بتذاكر ساعة .. انت واخد خطوة
لو ناجح في علاقاتك .. انت واخد خطوة
لو ناجح في كنيستك .. انت واخد خطوة
لو بتخدم .. انت واخد خطوة
لو بتصلي لو بتعترف لو بتحضر قداس .. انت واخد خطوة

لو بطلت .. انت مش هتسقط خطوة .. انت هتقع علي وشك.
كمل .. كمل .. هتنجح اكتر و اكتر
كمل ملكش دعوة نقدهم و تحقيرهم لنجاحك.