21 - 07 - 2019, 03:58 PM
|
|
|
|
..::| الإدارة العامة |::..
|
|
|
|
|
|
جملة جميلة علمها لنا الله ، و من بعده اهالينا ..
و الخير انواع ..
خير مباشر :
بييجي لينا من وقت للتاني
، لما نحتاج من ربنا تشجيع وقت الضعف او الاحتياج الشديد ،
لما ربنا بيلاقي اكتافنا مش قادرة تشيل تاني ..
زي مثلا ما شق البحر قدام موسي وقت الخطر الشديد ،
أو لما طلع دانيال من جب الأسود؛ لأن التأجيل ما ينفعش (خروج ١٥)
خير مؤجل :
ربنا يتأخر في الاستجابة و يديك اللي انت صليت له ..
و مع التأجيل تيجي بركة زيادة، زي ما ربنا اتأخر علي زكريا و أداله مش مجرد ولد،
منحه يوحنا اعظم مواليد النساء (لوقا ١) ..
خير غير مباشر :
ربنا يمنحك اللي انت محتاجه بشكل تاني
، يحقق لك خير من نوع مختلف افضل لخلاصك و ابديتك
، زي ما طلب بولس رفع شوكة المرض و ربنا ساب الشوكة
و أداله معاها نعمة الاحتمال و الخدمة ليحفظه من الكبرياء
اللي كان ممكن يضيعه (٢ كورنثس ١٢) ..
خير متنكر في صورة مشكلة :
تيجي غيمة كبيرة سودا ،
بس بعد شوية تمطر خير، زي ما بولس دخل السجن
و هناك ربح نفس سجان فيلبي( اعمال ١٦) ..
فعلا ، ما حدش عارف الخير فين..
|