[بنت معلم الاجيال]

عاوز تدمر اي كنيسه بجد حط فيها خدام مش قدوة ، يتخانقوا و يختلفوا و يجيبوا سيرة بعض ، و يتمريسوا علي بعض و يتسلطوا علي الناس ، ودنيين و غضوبين و محبين لنفسهم مش للخدمة..

حط فيها ناس ما يحبوش بعض و مقسومين شلل ..

خللي التعليم ضعيف و ركيك و كلمة الله تفسيرها ضعيف و من غير تطبيق ..

خللي الخدام يهتموا بالنشاطات و الرحلات و الخروجات، و ما يهتموش بالنفوس و خلاصها و نموها و فضايلها ..

خللي الشمامسة مش كنسيين، حافظين اللحن من غير روح اللحن، و الطقس من غير روح الطقس، واقفين في القداس عثرة للناس بخناقاتهم علي الميكروفون و تسابقهم علي المتكآت الأولي ، فاهمين أن الشماسية مجرد جمال صوت بس مش جمال روحانية الاول ..

تدمير كنيسة بييجي من جواها ، من قلة الحب و قلة التوبة و قلة التواضع ؛
اللي جاي من بره زي الاضطهاد و الهرطقات يقويها و لا يحنيها..

كنيسة صح مفيش حاجة تهزها و لا تهزمها ..