[walaa farouk]

صوته ينور قلب الاعمي يشفي كل عليل
شاول يصبح بولس .. اعظم خادم للانجيل

حقيقي البيت ده من الترنيمة مش بيعدي عليا كدة ..
لما بسمعه او افتكره وارنمه وانا ماشي في الشارع جسمي بيقشعر وبتهز من جوايا .
. بشعر بقوة الهي جدا واني في حضور اله قوي جدا ..
بيغير الاسم بإسم ويبدل الحالة بحالة ويغير الاتجاه باتجاه ..
شاول كان رايح بحصانه لاتجاه وفجأة ترك حصانه واتغير اتجاهه تماما
واتغير كمان اسمه مابقاش اسمه شاول ..
اصعب معجزة ممكن يعملها شخص انه يغير شخصية شخص تغيير جذري في لحظات
من قلب قاسي متحجر لفيلسوف وكارز مرهف الحس جدا تجاه الامور الروحية والسماوية ..
بتاخد جدا لقوة المسيح وبتاخد كمان لشخصية بولس وعظمته ..
ومش بستبعد انه يبدل كل شئ .

بصلي لكل شاول نفسه يعرف الله بجد وعمال يخبط في الكل لاجل انه يرضي الله ..
انه ييجي وقت افتقاده بنور الهي عظيم ويتغير حاله تماما .