07 - 07 - 2019, 07:21 AM
|
|
|
|
..::| الإدارة العامة |::..
|
|
|
|
|
|
نذاكر و نتعب و نسهر ، و بعدين تعدي امنا الطيبة الجميلة
، و ترفع ايديها النقية للسما "ربنا يوفقك يا حبيبي " ..
من يومها الدعوة دي بترن في جدران كل بيت ..
من غير التوفيق نعرق و ممكن نغرق ( !! ) ، نسهر و ممكن نخسر (!!) ،
نسعي و ممكن نحفى (!!) ..
دعوة ذهبية ماشية معانا في حياتنا اللي مش عارفين بكره بتاعنا فيه ايه ..
كل اختياراتنا مش مضمونة، نختار و نحتار ، مش عارفين ايه الزمن مخبيه لينا
، و ايه اللي ممكن نكتشفه ..
كلنا ماشيين علي باب الله و ايديه بس اللي شايلانا و ضامنانا ،
لا قوة و لأ عزوة و لا علاقات و لا معارف و لا ممتلكات لوحدها بتنفع ..
نذاكر و نمتحن و مفيش غير التوفيق، ناخد قرار ارتباط و برضه مفيش غير التوفيق
، نخش في مشروع، نسافر، مستثمر، نشتري ، و مفيش غير التوفيق..
يعني اتعب طبعا ، و اجتهد و أسأل و استشير
، لكن خد معاك أهم دعوة "يا رب وفقني" ..
|