[souad jaalouk]

زوّادة اليوم: حلو الواحد يفكّر بغيرو

مين مِنّا ما لعب لو مرّة انسان حيوان شيء. بيخبرو عن تنين اصحاب عم يلعبو هاللعبة، الأوّل كان عم يخلّص قبل بس يعمل حالو بعدو عم يفكّر و ينطر رفيقو حتّى يخلّيه يربح!
اكيد انّو هالرفيق مش فاهم اللعبة غلط، و لا بيحبّ يخسر، بس هوّي بيعرف انّو رفيقو بيفرح بالربح كرمال هيك تصرّف بهالطريقة. مع انّو كلها لعبة و يمكن تفصيل مش مهم ابدا بس هالموقف الزغير الو ابعاد كبيرة و بعيدة. اللي صار بيعكس نفسية حلوة بعيدة عن الأنانيّة! بس تصير تنبسط لفرح غيرك و تساهم فيه بتكون بلّشت تمشي عا طريق الرب اللي بيدعينا لخدمة بعضنا و هوّي اوّل واحد عمل هالشي بس غسّل اجرين تلاميذو! حلو الواحد يفكّر بغيرو خصوصا بهالإيام اللي عم نفتقد فيها لأبسط اشكال المحبّة...الله معكن