[walaa farouk]

اكبر مشاكل الالم والخذلان فى العلاقات ،
ومشاكل العشم اللي بيطلع علي مفيش وقلوبنا اللي بتنكسر بعدها ..
واكبر مشاكل كسر عكاز اسمه( الناس) اتسندت عليه كتير ..

هو "التعميم" ..
( أنا كنت فاكره غيرهم .. هى كسرتنى زى كل اللي دخلوا حياتى ..
كنت عشمان ميحصلش كده ..أنا مصدومة انها عملت كل ده)

جمل زى دى توجع القلب وتبكى العين ..
بعد مرحلة الصدمة دى ومروراً بكل وجعها واكتأبها وانطفائها ودموعها وهذيانها ..
بيجى بعدها بفترة رد فعل تلقائي وممكن يكون الشخص غير واعى ليه بشكل كامل
، لما يظهر شخص جديد ف حياته .. او حتى يتفتح قدامه كلام عن العلاقات وما شابه ..
حتى لو اخد خطوات حقيقية في الشفا
ونضوجه ساعده انه يبقي واعى ويتعلم من كل المراحل اللي مر بيها ⁦❤️⁩...

الا انه في حته جوا .. جوا اوى اوى ..
بتنبض بالخوف من وجع جديد وقصة تفاصيلها حلوة بس نهايتها الم وحيرة ..
بتصرخ وبتقول ان كلهم زى بعض .. بلاش الأمان ده علشان لما يتاخد منك هتتعب 💔
بلاش تحب و تضحى وتدى للاخر اوى كده علشان لما يمشوا .. انت الوحيد اللي هيطلع خسران 💔
بلاش تدخل حد جواك يشوف اعماقك ويلمس جروحك
و يعاين ندب لجرح علاقات فاتت علشان ف الاخر هيعمل جواك واحد تانى وهيبقي نسخة منه بالظبط 💔

الفكرة مش علاقة وانتهت ، او حقيقه اشخاص واتعرفت ، او زيف وانكشف ، او مثل اعلي وانهدم ...
ياريتها جت علي اثر الالم وقتها وبس ..
الموضوع اكبر بكتير .. تأثيره في اللي جاى من ايامنا مبيبقاش سهل😔 ..
ثقتنا اللي اتحطت في اشخاص غلط وخذلونا
ولما اتوجد الاشخاص الصح بقينا بنراجع نفسنا الف مرة قبل ما نثق فيهم رغم انهم اهل الثقة جدا ..
صعوبة احساسنا بالامان .. وصوت الشبح اللي بيطاردنا طول الوقت ( كلهم زى بعض) 💔

ياللي اخدتوا الموضوع ببساطه .. كسر القلوب والعشم مكنش بسيط علينا
بس الله موجود ⁦❤️⁩ ..
بيشفي كسرنا .. ويعوض ألمنا نضوج ⁦❤️⁩
وايامنا الضلمة هيعوض عنها بنور ⁦❤️⁩✨