وقت الألم 💔
لما حرفياً ربنا يقرر أنه "يستفرد بيك" ..
لما كل الناس تبعد وكل الأصوات تهدا ..
وقتها بييجي بهدوء ويلمس عينيك ف تتفتح عليه ، وقتها بس تقدر تشوفه زي ما هو من غير إضافات وأفكار كتير الناس قالوهالك عنه ..
و تكتشف انك كنت عايش سنين مرتاح اه بس ماتعرفوش .. يمكن تسمع عنه اه بس ماتقابلتش معاه وجهاً لوجه 🤷
وتلاقي ف الوقت ده بيتشال كل سند إتعكزت عليه، وبينطفي كل نور كنت مشيت وراه.. و حتى الجو الروحي و الاجتماعات بتبقى تعزياتها بهتانة.. مؤقتة.. مش بتشفي..
و لما تيأس من كل حاجة تبتدي تصرخ "يا سيد.. أريد أن أرى يسوع"، لأنك ساعتها بتكون جربت كل حاجة وأثبتت فشلها في انها تشبعك.. و تبدأ تدور علي وجوده معاك اللي بيبيقي كفاية في أي وضع وتحت أي ظروف، حتى لو في عمق الألم.
و يجي ربنا بعدها لما يشوفك عرفت أن الراحة بس هي وجودك معاه
وقتها زي ماتقول كده ربنا بيتطمن عليك وبيقرر يشيل الألم، لأنه اتأكد أنك في الراحة أو في الألم عرفت أن ملكش غيره بقيت بالبلدي كده "مايتخفش عليك" 💪
قلبك إتصلح وبطل يبص على اي حاجة تاني غيره.. ف يقوم يديك نعمة في عيون الناس، ويغرقك بركات روحية ومادية يمكن.. والغريبة وقتها انه مابيبقاش فارق خلاص معاك لا الراحة ولا البركات و تبدأ تكتفي بيه هو و بس 😊
تبدأ تشكره على أي ظروف حتى الصعبة
على أي وضع تتحط فيه
و صدقني أي حاجة تانية مش هتبقي بتفرق طالما هو موجود ♥
#وقت_الألم_قدسته