[مورا مرمر]

اسف انك عورتني.. د.مجدي إسحق

فيه ناس تهينك و عاوزاك تعتذر لها ، و تأذيك و تعتدي علي حقوقك و سمعتك و عاوزاك تقول لها أسف!!

ناس ما بتحسش غير بمشاعرها هي و بس، عينيها مقلوبة لجوة ما بتشوفش غير نفسها..

الناس دول فعلا غلابة مع نفسهم، لأنهم قبل ما بيتعبوا غيرهم تاعبين نفسهم الأول.. ناس عايشة علي أذي الناس و ياريت بتكتفي ، عاوزة الكل يهنهنها و يطبطب عليها و يرطب لها مشاعرها.. ما بيغلطوش و ما اتربوش علي انهم بيغلطوا أو يحسوا بالناس و يراضوهم ..

كلمتهم الشهيرة المبكية المضحكة : لازم تعتذر لي لانك "ضربنتي بوشك علي ايدي" !!!

عاوز الحل ؟؟
حبهم و اعذرهم و سامحهم و صلي لهم قوي ، و لو ما بطلوش الداء ده ابعد عنهم بحكمة قوي قوي !!

مش كده و لا ايه؟؟