[souad jaalouk]

زوّادة اليوم: حبّوا بعضكن متل ما بتحبّوا حالكون

بيخبرو عن تنين اصحاب كان عندن بالبرّاد قنّينتين عصير وحدة عا اناناس و التانية عا فريز. الأوّل ما حكي و لا كلمة صبّ كبّاية من كل نوع. هوّي بيفضّل الأناناس بس لمّا شاف انّو القنّينة ما بتكفي للتنين و بيعرف انّو رفيقو بيحبها كتير اخد الفريز بدون ما يعلّق عالموضوع. هالتفصيل الزغير من الحياة اليوميّة اللي يمكن كتار يشوفوه بلا اهميّة منّو الّا مَتل عن التخلّي عن الأنانيّة و التضحية لو بشي هلقد بسيط كرمال غيرنا. هيّي النفسية الحلوة المهمّة و هيّي اللي بتخلّيك تتصرّف بطريقة صحيحة بأزغر المواقف لأكبرها... للأسف اليوم الأنانيّة زايدة كتير بمجتمعنا، هالشي بيذكّرنا بقول بولس الرسول: " فِي الأَيَّامِ الأَخِيرَةِ سَتَأْتِي أَزْمِنَةٌ صَعْبَةٌ، لأَنَّ النَّاسَ يَكُونُونَ مُحِبِّينَ لأَنْفُسِهِمْ!"...حبّو بعضكن متل ما بتحبّو حالكن و الله معكن