[walaa farouk]

يوم _( فى تصورى المتواضع ) _ من ايام الخادم / الخادمة
( مع مراعاة اختلاف القوانين الروحية والمواعيد والتوقيتات والظروف )
يبتدى يومه ويصحى الصبح يصلى باكر والتالتة
يفطر - ينزل الكلية - او الشغل - طول ماهو ف الطريق بيصلى صلواته السهمية -
او بيسمع ع الموبايل مزامير - ترانيم - عظة - ،،،
لما يوصل الكلية او الشغل يبقى صورة حلوة للمسيح قدام كل زمايلة
( فى مظهره - لسانه- نظراته - حركاته ) -
وبعدين يرجع بيته يتغدى - ممكن ينام شوية - وبعدين يقرأ جزء من الانجيل -
يذاكر شوية ( نادر الحدوث ) - او يساعد اسرته فى البيت شوية ويبقى فيه حوار مستمر بينهم -
مفيش مانع من شوية فيس بوك ( طبعاً) - واتس أب ( ده اكيد ) -
ميديا ( مثلاً ) - شوية هوايات -
يبتدى طول ايام الاسبوع يحضّر ويفكر ويبدع فى تجهيز الدرس القادم فى خدمته -
ويتصل باولاده فى الخدمة طول الاسبوع - المحتاجين للافتقاد وخدمة فردية
يروح يزورهم سواء من اولاده او اخواته او اصحابه -
مواظب باستمرار على ( قداس اسبوعى -
وجلسة اعتراف بشكل دورى ومنتظم مع اب اعترافه - و اجتماع خدمته - وقراءة روحية )
واخيراً فى نهاية يومه المبارك يقوم يشكر ربنا و يصلى مزامير الغروب والنوم -
ويتعشى - وينام - تصبحوا على خير