[walaa farouk]

وجع القلب

الوجع اللي مالوش علاج ملموس ناخده عشان نخف
اللي ماينفعش الدكتور يعمله عمليه قلب مفتوح
الوجع اللي شرايينه مالهاش طريقه تتفتح بيها
كلنا جربنا وجع القلب ، حسينا بيه بجد
مين يقولي انا ماتوجعش قلبي ف يوم
وانا اقوله انك مش طبيعي ، شاذ مابين البشر

الطفل لما تموت امه بعد ما حس بطعم حضنها اتوجع
البنت اللي رباها راجل بعد ما القدر خد منها ابوها اتوجعت
الولد اللي بشوف اصحابه مع امهاتهم وهو يتيم اتوجع
البنت اللي بتتجوز وكان نفسها امها تكون معاها اتوجعت
الام اللي ابنها مات بعد ما بقي راجل اتوجعت
الاب اللي شاف ابنه مدمن بعد ما تعب فيه اتوجع
واللي سابها حبيبها بعد ما وعدها بانه يحاقظ عليها اتوجعت
واللي باعته حبيبته عشان الفلوس اتوجع
وحجات كتير وامثال اكتر للموجوعين ف قلبهم

انا عايز اقولكم ان وجع القلب مكتوب علينا
طول ما انت عايش ف الدنيا هاتقابل ناس وتفارق ناس
وتروح منك حبايب ، وبعد ده كله هاتقابل اللي يهون
عليك وجع قلبك ، وده الملاك اللي بيبعته ربنا ليك
عشان يهون عليك وجع قلبك .
ربنا ارحم بينا من اي حد . ربنا عالم بقلبك وبوجعه
ادعي ديما ربنا انه يبعتلك اللي يهون عليك وجع قلبك
وماتقعدش تقول الموت اهون عليا من اللي انا فيه
ربنا_كريم
هو_للقلب_دوا