26 - 06 - 2019, 12:20 PM
|
|
|
|
❈ Administrators ❈
|
|
|
|
|
|
خذوا لنا الثعالب ..
الثعالب الصغيرة المفسدة الكروم ( نش 15:2 )
في ظل الانفتاح الرهيب الموجود في العالم والتقدم الهائل للعلم
ووجود موبايل او اكتر مع كل واحد ...
تقدر تشوف اللي انت عايزه
تقدر تكلم اللي انت عايزه
تقدر تقول اللي انت عايزه
خلي بالك فيه تصرفات انت ممكن تعتبرها عادي
وكلمات ممكن تقولها عادي
وشات بينك وبين اي حد من غير اي حدود عادي
وصور غير لائقة ممكن تبعتوها لبعض عادي
وكلام كتير ممكن يتقال بين اي اتنين من غير ماتعرف ان انت بتاثر وبتتاثر بالكلام ده بعد وقت
وتحصل مشاكل كتير وخناقات يومية وساعات بتوصل لانفصال وخراب بيوت
بسبب انك مبقتش عارف توقف نفسك عن الغلط
مش عارف انك بتحط جمر نار في حضنك
مش عارف انك بتسمح للثعالب الصغيرة تدخل حياتك حته حته
لغايه لما تفسد الكروم ...
اهرب لحياتك ...
شوف ايه التعديات اللي بتعملها وبطلها حالا
اي حاجة مستخبية امنعها فورا
اي كلام اتعدي حدود الادب والاخلاق والمجاملة البسيطة بطله قوام
اي علاقة غلط اهرب منها بسرعة
راجع نفسك وتوب والا ربنا هيبطل يستر عليك
وساعتها هتبقي خسرت كل حاجة
خد بالك من الثعالب الصغيرة المفسدة للكروم
|