[walaa farouk]

الأضواء غيرتك؟ و الشهرة خلتك معروف
و كل الناس عارفاك و تشكر فيك ؟؟
بقيت مهم و مواعيدك مشغولة
و كله بيجري وراك عاوز يسمعك و يسلم عليك و يتصور معاك ؟؟

بقيت معروف ؟؟ قريت لك كام كتاب خلوك حكيم زمانك؟؟
لفت الايام و بعد ما كنت مغمور و ما حدش عارفك
بقت اجندتك مليانة و مواعيدك فوق بعضها؟؟

صدقت نفسك انك كبير ؟؟

اوعي تنسي انت مين ..
اوعي تنسي أنك نسمة من القدير سكنت في شوية تراب ،
و بقيت "بني ادم".. كل اللي فيك ده من عند ربنا ،
من غير مجده و بركته انت و لا حاجة..

افتكر كلام داود الملك «من أنا يا سيدي الرب؟
وما هو بيتي حتى أوصلتني إلى ههنا؟ ..
وهذه عادة الإنسان (انه ينسي اصله ) يا سيدي الرب. (٢صم ٧ : ١٨) ..

اوعي حد يفتكر اني باكلم حد من الخدام أو المشاهير ..

انا باكلم نفسي ..