23 - 06 - 2019, 06:45 AM
|
|
|
|
..::| الإدارة العامة |::..
|
|
|
|
|
|
عارفين مين قال الايه اللي كلنا حافظينها دى 👇
( صغير انا عن جميع الطافك) ده يعقوب تتخيل ؟؟؟
انا عمري ما شوفت في ايام يعقوب غير البكاء والهروب
هربان من اخوه و منها اتخان في جوازته من ليئه
و اتذل و اشتغل لاجل حبه راحيل
ياريت تعب ١٤ سنه كمل لا ربنا خد راحيل بعد تانى طفل
خد منه حب حياته اللي شقي عشانه 💔
و كل اوجاعه حاجه و الضنا وجعه حاجه تانيه ..
.٢٠ سنه بكاء علي يوسف
. ايامه كانت حزن و مع ذلك قال (صغير انا عن جميع الطافك )
طب ازاى قولت كده حتى و لو شوفت يوسف حي بعد ٢٠ سنه ازاى ؟؟؟؟ ازاى نسيت كل الاوجاع دى بمجرد فرحه وحده
ربنا لما بيعوضنا بينسينا ايام التعب و الحزن
مش بنفتكرها و لو افتكرناها مش بنحس وجعها
لمجرد التفكير فيها...... سنين الجراد تتعوض خضره ❤
الطافك لما اقارنها بيا انا جنبها صغير .خيراتك اضعاف حجمي ❤❤
و اللي بينسي الخطايا ولا يعود يذكرها
و هي منطرحه في بحر النسيان هو هو
اللي بينسينا ايام الاوجاع و مش بنفتكر غير الخير و الرحمه
ابعتلنا فرحه زى فرحته تنسي كل ايام الخزلان ياسيد
|