[souad jaalouk]

زوّادة اليوم: منطق الأرض ومنطق السما

بيخبرو عن حاكم بيحبّ الصيد كتير. تقدّملو هديّة طير شكلو غريب. سأل شو اللي بيميزو عن غيرو من الطيور قالولو انّو ييستعملوه طعم بالصيد. بيغرّد بطريقة غريبة بتخلّي الطيور الباقية اللي من نوعو تقرّب لعندو و بتصير بمرمى نار الصيّاد.
قام الحاكم حمل فردو و قوّص الطير قتلو! كل الحاضرين استغربو هالتصرّف. بس الحاكم وقف و قلّن: كل واحد بيساعد حدا حتّى يوصل لشعبو بيكون خاين لو كان طير!
هالحاكم يمكن كان هدفو يوصّل رسالة لشعبو بس قدّيش بعيد منطق الأرض عن منطق السما! يسوع كان عارف انّو يهوذا رح يسلمو و ما جرّب حتّى يمنع هالشي يصير، يسوع عالصليب سامح اللي صلبوه و ضربوه...الله معكن