[walaa farouk]

فيه ناس زي النار ، لو ما عرفتش تظبطها بدل ما تسوي الاكل تحرقه ..

و ناس زي الهوا ما لهاش عزيز ، تطري عليك مرة ، و تزعببها علي راسك مرة ..

و ناس زي الطاقية، لو ما حطيتهاش فوق راسك عمرها ما تساعدك ..

و ناس زي القفل ما لهاش غير مفتاح واحد يفتحها..

و ناس زي الصلصال ما لهاش مبدأ ، تتشكل حسب الموقف ..

و ناس زي السكينة لو عينك غفلت تعورك..

و ناس زي الغيمة تداري اي شمس موجودة ..

وناس زي القهوة تظبط مزاجك من اول ما تدوقها ..

و ناس زي النور تقعد في اي حتة تطرد الضلمة ..

و ناس زي العسل دايما طعمها حلو و ما لهاش تاريخ نهاية صلاحية ..

و ناس زي السبيل ، تروي اي واحد عطشان من غير مقابل ..

و اللي حد داعي له يرزقه باللي يريح باله !!

مش كده و لا ايه؟؟