[walaa farouk]

لما واحد يغلط و نقعد نعنفه و نوبخه
و نقلل منه بتزود فيه عنده فيدافع عن اخطاؤه
و يدي اعذار أقبح من غلطته الأصلية..
أو توطي نفسه و تذلها ، فيعند برضه و يزود غلطاته
علشان يثبت لنفسه انه صح ..
او بنخلليه يبعد عنا و يستخبي و يعمل اللي نفسه فيه
من ورانا برضه علشان يثبت لنفسه انه صح ..

في كل الاحوال غلطاته بتزيد..
ما حدش بيحب يشوف نفسه وحش
، و ما حدش يستحمل أن حد يقوله انه وحش ..

جرب ترجعه لاصله، لأن كل واحد جواه خير قديم جواه،
من قبل ما الشر يخش فيه و يغير عقله و قلبه ..
جرب تنادي علي الخير اللي جواه،
جرب تفكره انه محترم و خلوق و كبير في قيمته،
لأن ده بيرجع ناس كتير لنفسها و يخليها تحاول تثبت لنفسها
و لينا انها ممكن تبقي كويسة..

و في المرات اللي السياسة دي ما تجيبش نتيجة ،
جرب تاني و تالت و رابع قبل ما تقرر توبخ أو تواجه
أو تاخد موقف..

الناس جواها خير عاوز اللي ينادي عليه ..

مش كده و لا ايه؟؟