[walaa farouk]

بيكلم نفسه ..
بيكلم نفسه لانه ما لقاش حد يسمعه و لا يفهمه
و لا يدي له لا وقت و لا قلب و لا حب ..

بيعمل لنفسه دنيا تانية احلي من الدنيا اللي ظلمته
و طحنته و حطته تحت رجليها..
بيخلق اصحاب في دماغه يحبهم و يحبوه،
يكلمهم و يكلموه بدل اللي اتخلوا عنه ،
بيخلق أب و أم حنينين يدوله مشاعر و عطف و حنان
بدل اللي سابوه أو جرحوه أو كسروه..

الناس دول عقلهم ما راحش، ده حل مشكلته بنفسه
لما ما لقاش حد يحلها له .. دول أطيب و أعقل من ناس كتير
، عقلهم أنقي و أحلي و أعقل من ناس
عندهم عقل بس من غير قلب ..

الناس دول دفعوا تكلفة مرة لظلم و قسوة ناس غيرهم
و دنيا قسيت عليهم .. ح تلاقيهم حواليك اكتر مما تتخيل ،
و ما راحوش يتعالجوا لأنهم كل ما بيخفوا بيتعبوا اكتر
لأنهم بيرجعوا لدنيا الواقع المُرة ..

اعذروهم ، دول مظلومين..