08 - 06 - 2019, 12:16 AM
|
|
|
|
..::| الإدارة العامة |::..
|
|
|
|
|
|
فيه ناس للسطح ارحم من عشرتها.. السطح ببرده و حره
، بشمسه و مطره، بوحدته و عزلته، افضل و ارحم
و احسن ١٠٠ مرة عن معاملة ناس طول النهار بتخاصم و تخانق
و تحقد و تجرح و تغدر و تولع القلب بالغل و الشر..
طبعا نحاول نصلح و نحاول نقبل و تسامح و نفوت كتير و كتير قوي ..
بس يظهر أن السطح حل "نفسي" لناس كتير اتجرحت و ما لقيتش اللي يداويها
، فاختارت تبعد بحكمة و تتجنب الشوك..
و حتي لو ما طلعتش السطح علي طول اهي بتطلع شوية و تنزل شوية ،
ترتاح من الوجع اللي ما لوش دوا ، و تنزل تدي نفسها شوية أمل و رشة تفاؤل !!
طبعا كلامي اكتر عن العلاقات الإنسانية كلها ، الصداقة و الزمالة في العمل و الخدمة و غيره ..
لكن للاسف الموضوع ده حتي بيوصل للزواج..
و يا ما ناس بيقروا الموضوع ده و هم علي "السطح" اللي اختاروه بدل ما يخربوا بيتهم ..
قلبي معاهم ..
و مع جمعية "الساكنين علي السطوح " ح نكمل الموضوع اللي جاي 🤭 ..
السكنى في زاوية السطح، خير من امرأة مخاصمة وبيت مشترك. ( أمثال ٢١ : ٩ و ٢٥ : ٢٤)
|