[walaa farouk]

الايدين المكرمشه والملامح اللى الجمال فارقها
واللى الزمن وحكايته ساب بصمته عليها هى دى مواصفات النهاية بالنسبة للى حواليكى .
.اللحظة دى و الوقت ده لو كنتى وصلتيله فده معناه انك عيشتى جوه حضنه
واتشلتى بين كفوفه سكه وعمر طويل
.عمر يشهد بسندته اللى كانت اقوى من اى ايدين شالت اوحملت ..
عمر تنحنى قدامه راسنا امتنان لمعروفة وعرفانه اللى ولا مرة كان على الاد او الكفاف .
.عمر منقوشه فيه كل تفاصيل رعايته وحمايته وخواطر اتجبرت .
.ملامحك دى اللى بيقولوا عليها عجزت وبهتت
ده مش مجرد سن وعمر بيجرى لكن ملامح شايله بين كل تجعيده وعلامه
فيها اختبار و حكاية تشهد ان لسه ف اب بيفضل لاخر المشوار امين
ان لسه ف اب ف كل مراحل عمرى حاضر.بقوة . باقى للمنتهى ..
مكمل حتى لما الكل يمشى ويتخلى .. .
لسه ف اب بيشوفنى بنفس اشواق ولهفة اول مرة عينيه شافتنى
فيها حماسه واشتياقه ليا مطفاش ولا اقل لسه ف اب
مهما كان العمر اللى وصلتله لسه شايف فيا امل لسه شايفنى جميلة
لسه شايل مسئوليتى ..لو بتعدى بالوقت ده او تعرفى
حد بيعدى بيه اعرفى ان الوقت ده مش للحزن على اللى فات او للاحساس بعجزك
وطلب الونس وانتظار الموت .. دى محطة مميزة ف حياتك اسمها
محطة الشكر والامتنان على كل اللى فات ...
دى محطةتجديد وعودك معاه والبداية للانطلاق ف رحلة جديدة معاه ..
هو بابا كل وقت