[walaa farouk]

ربنا قطعا أدانا حرية الإرادة اننا ناخد قراراتنا بنفسنا.
.بس فيه مرات بتحس انه خد لنا قرار و قفل أبواب قدامنا شكلها حلو قوي
و كان نفسنا فيها جدا ،
بس مش راضية تفتح خالص زي ما تكون مقفولة بضبة و مفتاح..

سكة شغل مثلا و مش ماشية ، مشروع حب و جواز مش نافع خالص ،
خطوات هجرة ووقفت، رحت تشتري شقة لقيتها اتباعت أو البايع رافض الموضوع تماما،
مشروع شركة أو تجارة و حاولت فيه و اتقفل ،، و غيره و غيره ..

طالما عملت اللي عليك و حاولت و لقيتها مش ماشية
أعرف أن ربنا مرات زي ما يكون عاوز يريحك و خد لك قرار من عنده
، و قفلك باب هو عارف ان فيه مصلحتك المستخببة..

انا شخصيا بعد ما باعمل كل اللي في ايدي باقوله "خد لي قرار و ريحيني "
، و اقفل قدامي السكة اللي انت مش عاوزها ، و راحتي ح أعرفها من ايدك..