[walaa farouk]

كل واحد له لغة ، له مفردات ، له عالم خاص بيعيش فيه ..

و دنيا كل واحد مرتبطة بعمره و عاداته و تربيته
و افكاره و معتقداته..

لما بنتقابل يا كل واحد بيخش في دنيا التاني
و يتأقلم عليها، ياخد من عنده علي اللي عند الناس
و يعمل منهم دنيا جديدة ، تريحه و تريح غيره ؛
يا إما بيحصل تنافر بيخللي الحياة معا صعبة و تقيلة..

اللي بيعرف ياخد دنيا الناس و يخش معاهم فيها ،
من غير ما يتوه و لا يتعب و لا يغير نفسه
و لا مبادئه يبقي فنان و مبدع..
و اللي ما يعرفش علي الاقل ياخد حتة من دنيتهم
علي قد الشغل اللي بينكم أو علي قد الخروجة
أو المقابلة أو الرحلة، و بعدين يخرج بالراحة
من غير ما يتعب و لا يتعبهم و لا يدينهم ..

و كل واحد ينام في الدنيا اللي تريحه 🤭