[walaa farouk]

ربنا مابيطلبش كتير من الواحد .. ؛
- يعنى مثلا فى اشباع الجموع طلب خمس خبزات وسمكتين ..
وبعدها اكتر من 5000 نفس اكلت وفاض الأكل كمان !!
- ولما قوم لعازر .. مطلبش من الناس غير انهم يزيحوا الحجر من القبر .. وهو قام بالباقي !!
- حتى فى بداية الخليقة .. كان كل طلبه من ادم انه بس مايكلش من شجرة الخير والشر .. !! ؛
لكن فى الاخر كل واحد منا جواه ادم صغير مصر انه يخالف ولو حتى اصغر وابسط الطلبات !!
- ربنا يتمنى ان وقتك كله يبقى له .. لكن ثق تماما ان لو نص وقت الفيس بوك قضيته معاه هينبسط اكتر
- هو نفسه فى حياة صلاة منك طول اليوم .
. بس لو فى عز عملك رفعت قلبك دقيقتين له تشكره وتسبحه
هيبارك لك فى كل ثانيه من حياتك .. ؛
باختصار هو قالها زمان .. " يا ابنى اعطنى قلبك .. "
ماتبخلش على ربنا بيه ... ؛ 🙂