[walaa farouk]

بقيت كبير في اي مكان ، بيتك ، شغلك، كنيستك .
. خلاص بقيت تحت الكشافات..
ده معناه لو كنت امين و حريص علي تصرفاتك قيراط،
تبقي من دلوقتي ٢٤ قيراط تدقيق و أمانة..
ما اقصدش انك تعمل كده علشان الناس شايفاك
، لكن تعمل حساب انك ما تتعبش حد
، لأنك بقيت قدوة و عليك مسؤولية..

١-حاسب من الشلة اللي بتقرب و تحوط و بعدين تعزلك
و تخنقك و تبعدك عن رأي الناس و حبهم و الفتهم..

٢-حاسب علي تصرفاتك
، أوعي ترفض تكلم حد أو تسمعه أو تتصور معاه .
. و لو اعتذرت بكل أدب لظروف تقولها له ..

٣-حاسب علي كلامك : اوعي تزعل حد أو تتريق علي شكله أو كلامه .. خليك خفيف الروح و الظل و رقيق
، تحترم الكل و تناديهم بأرق الألقاب ..

٤-حاسب علي ابتسامتك :
اوعي تكشر و تعمل مشغول أو مستعجل أو مضغوط أو مهم
؛ مش ذنب حد انه يشوفك كده
.. لكن خللي بسمتك و ترحيبك بالكل يسبقك..

٥-حاسب علي احترامك : تحترم الصغير و الكبير،
تحترم مواعيدهم ، تحترم رأيهم حتي لو مختلف عنهم ..

اللي يقعد في مكان كبير لازم يبقي كبير
، كبير في أخلاقه قبل ما يكون كبير في علمه و انجازاته..

مش كده و لا ايه ؟؟