[walaa farouk]

🤦‍♀️كل انسان حاسس انه غلبان في انه يصلي ولا يصوم ولا يقرب من ربنا😔 ...
👌ياخد باله الاسبوع دا معمول ليك انت😀 ..
👈عايز الدليل ؟؟؟

✏️يوم الاتنين ..
🌳لعن شجرة التين...
😔ملعونه المنظره والمظهريه صوره من بره ومفيش ثمر من جوه ..
😔ملعون كل انسان شايف نفسه خاجة ..او قيمه ..وفاضي من جوه

✏️يوم التلات ..
💰فلسي الارمله ...مبعرفش اصلي مبعرفش اصوم مبعرفش اخدم .
.الناس شايفاني مفلس روحيات🤦‍♀️ ..بس هو شايف ان القليل اللي بقدمه .

.اعظم من تقدمات كتير💪

✏️يوم الاربع ...
👩 ساكبه الطيب ...
😍قدمتلك كل ما هو غالي ..ومسحت رجلك بكرامتي سكبت ذاتي عند قدميك .
.وبدموعي امهد طريق الحياه🛤️

✏️الخميس ...
🤦‍♂️واحد لا ليه في الطور ولا الطحين ..يتقابل مع مجد الله بالصدفه ..
🤦‍♂️ملخس عبد رئيس الكهنه ..رايح مع سيده مهمه ..
يلاقي واحد طالع عليه بسيف ويقطع ودنه ...يا حزني ..وانا مالي يا عم🤷‍♂️ ..
😍ويلاقي مجد الله يتجلي ويظهر سلطانه العظيم لما يرجعله ودنه👂 زي ما كانت.
👌صدفه ...مجرد صدفه تعلن في لحظه اختبار واعلان

✏️ويوم الجمعه بقي ...
👈سارق الملكوت ...عم ديمااس ..
الحرامي اللي اخد نعمه لم ياخذها احد قبله😍 ...
👆كان اول انسان يدخل الفردوس بدون ما يدخل الجحيم😍

عرفت انه اسبوع الغلابه