[walaa farouk]

لو اعتزيت بقوتك ، افتكر شمشون اللي نسي انها من عند الله ، و ضيعها علي ركبة دليلة ..

لو اعتزيت بمالك، اوعي تنسي سليمان اللي نسي نفسه و بعد عن الله مع نساء وثنية
و في آخر ايامه ربنا أقام له خصوم تعبوه: هدد و رزون و يربعام(١ ملوك ١١) ..

لو اعتزيت بتدينك افتكر يهوذا التلميذ اللي باع سيده بتمن عبد ،
و افتكر الكتبة و الفريسيين حافظي الناموس اللي صلبوا السيد المسيح..

لو اعتزيت بملكك افتكر هيرودس اللي اكله الدود قبل ما يموت(أعمال ١٢) ..

لو اعتزيت بذكاءك، افتكر داود اللي مرة هرب للفلسطينيين يحتمي فيهم من شاول،
و كان ح يهلك بينهم(١ صم ٢٧) ..

لو اعتزيت بعيلتك وولادك، افتكر أيوب اللي فقدهم كلهم في يوم واحد(ايوب ١) ..

لو اعتزيت بمعارفك أو بواسطة مسنود عليها افتكر شعب اسرائيل اللي اتذل في مصر
لما مات يوسف و جه فرعون جديد ما كانش يعرفه(خروج ١) ..

و افتكر ان عزتنا في ربنا وحده، هو بس اللي فيه السند و القوة..

عرفتم ليه بنقول لربنا في اسبوع الآلام "لك العزة" ..؟؟