20 - 04 - 2019, 09:09 AM
|
|
|
|
..::| الإدارة العامة |::..
|
|
|
|
|
|
بيقولوا عليك انك إله مش موجود . وحضورك مالي كل الوجود
حاسين بأيدك فى كل مكان ومش مصدقين انك خالق كل الاشياء
زى أعمى مش بيشوف السما ولا بيشوف سحابه معديه فوق راسه
لكن لما المطر بينزل بيلمسه ويحسه بأيده
زى الأعمى مش بيشوف الشمس العاليه البعيده
لكن يارب بيحس بالدفا بيها
مش بيشوف الورد فى الجناين مزروعه حواليه
لكن يارب بيشم عبيرها وعطر الندى عليها
اوقات يارب الأعمى مش بيشوف البحر قدامه
لكن بيسمع موج البحر لما موجه بتعلى ورا موجه
اوقات يارب الأعمى بيسمع صوت العصافير على الشجر
لكن مش بيعرف شكلها ولا بيشوفها وهى طايرة
أفتح يارب عيون الاذهان علشان يشفوك بصورة اوضح اكتر واكتر كمان
ويتمتعوا بجمالك وروعه حضورك فى كل الحياة
ويمجدوا اسمك ويعلنوا عملك طول الايام .
آه لو يعرفوك كانوا هيحبوك
آه لو شافوك كانوا قبلوك
ولكن طوبى لمن امن ولم يرى
|