[souad jaalouk]

زوّادة اليوم: حولوا صلواتكن لأولويات
بيخبرو عن شبّين اصحاب من الطبقة المتوسطة عم يحضرو تلفزيون و كانو حاطّين تقرير عن القصور و الأملاك و الثروات ببلدن. قلّو الأوّل للتاني: وين كنّا نحنا بس هالناس تقاسمو كل هالثروات و نحنا ما طلعلنا شي؟
ما جاوب الشب التاني و قلّو لرفيقو قوم نروح مشوار و اخدو عا مستشفى بالحي تبعن و قلّو: وين كنا نحنا بس هالناس طلعلن امراض عا انواعها و نحنا ما بنا شي؟!
المصاري يمكن بتشتري اشيا كتير بس ما بتقدر تشتري الصحّة و لا الضحكة و لا السعادة و لا راحة البال! زوّادتنا اليوم بتقلنا حَولو صلواتكن لأولويّات. مثلا بدل ما تصلّي تربح اللوتو صلّي ربنا يبعد عنّك و عن عيلتك الأمراض، صلّي حتّى ربنا يشفي المرضى اللي اطباء الأرض ما عندن إلن علاج، صلّي لكل مريض موجوع يشفى و يرجع لعيلتو معافى...الله معكن