جبتلكم طريقه عمل الجبنه الموتزريلا في البيت بمكونين فقط 💪💪
واحسن وانضف من الجاهزه وبتمط وتسيح وتحدي 📣📣📣
هنحتاج الي مكونين فقط
**كيلو لبن طازج
** معلقه ملح ليمون
التحضير
هتجيبي كيلو اللبن الطازج وتحطيه في حله عاديه بدون ما تغليه وغطيه في مكان دافي المطبخ او الفرن ونسيبه لتاني يوم هنلاقيه تقل بسيط وعمل وش سيبي الوش متجيش جنبه حطي معلقه ملح الليمون وقلبي كويس جدا وعلي نار هاديه حطيه وقلبيه عشان تلمي كل الكتل اللي هتفصل من اللبن ولما تحسي ان مبقاش يطلع كتل معاكي علي عليه النار لان الميه اللي حوليها تسخن هتخليها تمط معاكي ف الاكل هتفضلي تقلبي فيها وتتكي عليها لحد اما تطلعيها وتشدي حته منها كده تلاقيها بتتشد معاكي بتتمط يعني بعد كده طلعيها كتله واحده وبايدك اعصريها من ميتها ولو سخنه سيبيها تبرد وغطيها بكيس بلاستيك عشان متنشفش منك
الاستخدام //
هتحطيها في الفريزر في كيس نص ساعه تمسك نفسها وتطلعيها وتبشريها وتستخدميها
وممكن لما تجمد تقطعيها زي ما تحبي شرايح مكعبات اي حاجه
وتبقي تحطي منها علي البيتزا هتلاقيها بتمط معاكى...