[walaa farouk]

ربنا ، أصل الحب و الجمال ، دايماً رأيه صح ، شايفيني كامل و انا كلي نقائص و عيوب ..

بطرس الخواف اللي أنكره سماه صخرة ..
السامرية خلاها تكرز باسمه بعد دقايق من توبتها للقرية بتاعتها..

جدعون الضعيف سماه "جبار بأس" ..
و داود اللي فقد طهارته و قتل ، قال عنه "قلبه حسب قلبي" ..

موسي الغضوب اللي قتل المصري سماه "حليم" ..
ابراهيم اللي ما سمعش الكلام و ضحك و ما صدقش لما ربنا قاله ح تخلف

، سماه "خليله و صديقه" ..

بولس اللي سجن المسيحيين سماه "انائه المختار" ..
المجدلية اللي عليها شياطين بعتها للتلاميذ تكرز بالقيامة..

راحاب اللي عاشت في النجاسة، خللي اسمها يتكتب في نسبه..

من كتر ما ربنا الخلو شايفني حلو ، صدقته،
و من كتر ما حبني خلاني جميل قدام نفسي و قدام الناس ..