[walaa farouk]

كلكوا عارفين الصوره دي



* الصوره دى كانت بتخوفنى موووت مع ان ملامح بابا فيها رقيقه اوووى
وهاديه وتحسوه طيوبه كدا وكيوووت :D
* ليه بقى كنت بخاف منها ؟؟؟؟
لانى كنت لما اجى اقف قدامها واصلى احس بحاجه غريبه خالص
كانت عينى مش بتيجى غير على ايده المرفوعه دى واحس انه بيقولى (لا) مش هسمعك
- صلاتك مرفوضه - مش بحبك فكنت بهرب منها
واكلمه بعيد عنها وبرضه كنت بحس نفس الاحساس انى مرفوضه !!!
عارفه ان دا فكر من عدو الخير وان بابا عمره مايحط جوايا فكر بالشكل دا
وعشان كده بعد العمر دا كله فتح عينى :D
* اى نعم فتحها وحولها عن الايد المرفوعه اللى بتقول على طول لا للايد التانيه
بصوا كدا علي ايده فى الناحيه الشمال ايوه هى دى ناحيه القلب طوالى
وكانه بيقولى دا مكانك اللى عاوزك تشوفيه كأنه بيزقنى ادخل بالعافيه مش كدا وبس
لا دا حاطط ايده عليه عشان يحبسنى جوه وماطلعش :D
انا عينى فتحت قريب وشفت اللى مكنتش عارفه اشوفه
ولا مركزه فيه انا كتبت الكلام دا عشان لو فيه حد خيبان زى ماكنت خايبه
وبيشوف غلط اقوله لا ركز عشان تشوف الصح بابا بيقولك مكانك جوه قلبى
ومقفول عليك ربنا يكشف عن عيونا ونعرف نشوفه بالايمان لا بالعيان ونعرف كمان نحبه
ماتحرمش منك حبيبى ولا من قبولك ليا