[souad jaalouk]

زوّادة اليوم: نآمن من كل قلبنا
الآية 8 من المزمور 118 بتقول: "الإحتماء بالرب خير من التوكّل على انسان"
الطفل بس يخاف بيركض يتخبّى بأهلو، و نحنا
بس يصير معنا شي منتّصل بأقرب اشخاص لإلنا نطلب مساعدتن او نصيحتن بس دايما بيوصلو الناس لوقت بيوقفو محتارين و عاجزين. في اشيا كتير الإنسان ما عندو سلطة عليها و لا بيقدر يغيّر فيها. بس الأكيد انّو الرب اللي خلق الأكوان و الإنسان ما عندو شي مستحيل. ليش حتّى تتّكل عا انسان متلك متلو و يمكن بس تعوزو ما تلاقيه بوقت قادر تتّكل عا حدا ما بينعس ما بينام ما بتغفل عينو دايما موجود...كل المطلوب مِنّا هوّي انّو نآمن من كل قلبنا! الله معكن