[walaa farouk]

لما آدم و خوا اتخلقوا كانوا عرايا ،
و ما بيتكسفوش لانهم كانوا انقياء.. لما غلطوا اتكسفوا من نفسهم ،
و اول حاجة ربنا لبسهم ، سترهم
، و كفاهم شر الفضيحة رغم أن ما كانش فيه حد شايفهم خالص !!

تتصور ، سترهم رغم انهم لوحدهم ، امال لو كان فيه ناس ، كان سترهم ازاي ؟؟
كان ضاعف الستر مرات و مرات .. صح ؟

قارن كده : بنفضح الناس قدام الناس ، و بنعريهم بدل ما نسترهم.
. و اللي يكسف أن بعد ده كله بنزعل لما ناس تفضحنا، و بنطلب من ربنا انه يسترنا !!

استروا الناس ، و علموهم يستروا بعض لان ده احب و اول عمل عند الله ،
بعد ما خلقنا "سترنا" ، حتي و احنا غرقانين في الغلط ..

و ربنا يكفينا جميعا شر الفضيحة ..