[walaa farouk]

ربنا بس ..
هو اللي بيسترني مهما كانت عيوبي .. بيسندني قبل ما اقع
.. بيفرحني ف عز حزني .. وف وقت زعلي بيطبطب عليا ..
بيفتحلي حضنه لما بروحله .. وبيسمعني لما بتكلم ..
عمره ما قالي انا مش فاضي .. وعمره ما كان مشغول عني ..
بيعرف اللي واجعني من غير ما اقوله .. و بيفرح ل فرحي
. هو سبب كل حاجه حلوه بعيشها .. وهو سر ضحكتي
.. بيقويني ف لحظات الضعف .. و بيصلح المكسور فيا .
. مجاش يوم وجرحني .. متغيرش عليا .. مسابنيش علشان حد تاني ..
مبعدش عني .. مسابش ف قلبي جراح .. بالعكس ..
ف وقت الجرح هو اللي بيداوي .. مؤتي الأغاني ف الليل .
. طبيب القلب اللي ف لمسة ايديه شفا .. وف نظرة عينيه حب
.. بيفرح لما بيشوفني بكبر قدام عينيه .. ومهما كبرت بيعاملني ك طفل
..عايزني دايمآ ناجح .. حاضن ايدي من اول المشوار لأخره .
. ورجله علي رجلي .. راضي بقليله معايا ومشتكاش لحد مني .
. اسراري ف قلبه متشاله و قلبه ستر وغطا عليا .. بيجمل عيوبي و بيحليني .
. وعليا بيصبر .. بيخبيني بايديه الحلوه ف وقت الخطر ..
وبيحميني وياخد باله مني .. بيسهر علي راحتي وكأن الدنيا مفيهاش غيري
.. شايلني ف عينيه ومدلعني .. الحاجه اللي تضرني بيبعدها عني ..
واللي فيها خيري وراحتي بيجبهالي ف وقتها ..
هو حبيبي وصاحبي وابويا وضهري اللي بتسند عليه لما الدنيا بتيجي
عليا .. بيحبني زي ما انا .. بيحبني رغم كل الحاجات الوحشه اللي فيا .
. ماليش ف الدنيا غيره .. نَصِيبِي هُوَ الرَّبُّ، قَالَتْ نَفْسِي،
.. من لي ف السماء ومعه لا أريد شيئآ علي الأرض .. هو اللي ليا ع الارض وف السما ..
ربنا وبس .. هو اجمل حب ف عمري